Analysis of Para Sayo

PARA SA'YO
by Danah

Ang tulang ito ay para sayo
Nagmula dyan sa sinasabi mong I love you
Galing sa rita ritaso mong puso
Na sinambit ng nag-aalangan mong nguso

Hindi ko alam kung tama pa ba
Tama pa bang mag sulat ako ng tula?
Dapat pa bang alalahanin kita?
O ako'y dapat tumigil na?

Naaalala ko kasi yung dati
Yung mga dati mong sinabi
Kaya pala pilit mong ikinukubli
Yung akala kong nararamdaman mo saking pagtatangi

Akala ko kasi ako yung ulap
Nagbakasakali kasi akong ako yung alapaap
Yung tinitingala mo sa taas
Yung pilit mong inaabot kahit na mailap

Akala ko sakin mo inalay 'yung tula
Kaya pala di kami magtugma
Kasi nga inalay mo pala yun iba
Hindi nga pala kasi bundok ang pangitan nating dalawa, diba?

Pero bago ang lahat, patawad nga pala muna
Diba sinabi mo saking 'ayaw kong nasasaktan ka
Pasensya na kasi nasaktan ako talaga
Nasaktan kasi ako sa iyong ginawa

Alam kong di mo naman sinasadya
Di mo naman sinasadyang mawala
Di mo naman sinasadyang mandaya
Pero sana naman sinubukan mong makibaka ng tama

Sana naman inuna mo munang isabuhay 'yung sinasabi ni Kristo
Bago mo ipagsigawan yang pagmamahal mo sa ibang tao
Sana pinili mo munang ayusin yang buhay mo
Bago mo siya ginawang mundo

Sige na nga
Mag diretsuhan na tayo
Saan mo ba gustong matuloy yang forever mo?
Sa langit o sa impyerno?

Kaibigan, maraming nagmamahal sayo
Pero sana naman ramdamin mo
Sana naman ikaw na ay sumuko
Isuko mo nayang buhay mo kay Kristo

Sige na nga isama mo na ako sa mga nag mamahal sayo
Pero subukan mo kayang magbago?
Subukan mo kayang ibigay yang adiksyon mo kay Kristo
Subukan mo kayang iwanan yang karupukang sinasabi mo

Alam mo hindi naman ako galit sayo
Hindi rin naman ako asar sayo
Pero gusto ko lamang na malaman mo
Na si Kristo lamang ang bubuo ng buhay mo

Tropa, hindi ka naman talaga talo
Ilang ulit ko bang sasabihin sayong nanalo na si Kristo
Wag ka nang mapagpalalo
Sapagkat sa labang ito ang demonyo na ang talo