Pilgrimage In Search Of Do-Well

Thus y-robed in russet . romed I aboute
Al in a somer seson . for to seke Do-wel;
And frayned full ofte . of folk that I mette
If any wight wiste . wher Do-wel was at inne;
And what man he myghte be . of many man I asked.
Was nevere wight, as I wente . that me wisse kouthe
Where this leode lenged, . lasse ne moore.
Til it bifel on a Friday . two freres I mette
Maisters of the Menours . men of grete witte.
I hailsed them hendely, . as I hadde y-lerned.
And preede them par charite, . er thei passed ferther,
If thei knew any contree . or costes as thei wente,
'Where that Do-wel dwelleth . dooth me to witene'.
For thei be men of this moolde . that moost wide walken,
And knowen contrees and courtes, . and many kynnes places,
Bothe princes paleises . and povere mennes cotes,
And Do-wel and Do-yvele . where thei dwelle bothe.
'Amonges us' quod the Menours, . 'that man is dwellynge,
And evere hath as I hope, . and evere shal herafter.'
'_Contra_', quod I as a clerc, . and comsed to disputen,
And seide hem soothly, . '_Septies in die cadit justus_'.
'Sevene sithes, seeth the book . synneth the rightfulle;
And who so synneth,' I seide, . 'dooth yvele, as me thynketh;
And Do-wel and Do-yvele . mowe noght dwelle togideres.
Ergo he nis noght alway . among you freres:
He is outher while ellis where . to wisse the peple.'
'I shal seye thee, my sone' . seide the frere thanne,
'How seven sithes the sadde man, . on a day synneth;
By a forbisne' quod the frere, . 'I shal thee faire showe.
Lat brynge a man in a boot, . amydde the brode watre;
The wynd and the water . and the boot waggyng,
Maketh the man many a tyme . to falle and to stonde;
For stonde he never so stif, . he stumbleth if he meve,
Ac yet is he saaf and sound, . and so hym bihoveth;
For if he ne arise the rather, . and raughte to the steere,
The wynd wolde with the water . the boot over throwe;
And thanne were his lif lost, . thorough lackesse of hymselve.
And thus it falleth,' quod the frere, . 'by folk here on erthe;
The water is likned to the world . that wanyeth and wexeth;
The goodes of this grounde arn like . to the grete wawes,
That as wyndes and wedres . walketh aboute;
The boot is likned to oure body . that brotel is of kynde,
That thorough the fend and the flesshe . and the frele worlde
Synneth the sadde man . a day seven sithes.
Ac dedly synne doth he noght, . for Do-wel hym kepeth;
And that is Charite the champion, . chief help ayein Synne;
For he strengtheth men to stonde, . and steereth mannes soule,
And though the body bowe . as boot dooth in the watre,
Ay is thi soul saaf, . but if thou wole thiselve
Do a deedly synne, . and drenche so thi soule,
God wole suffre wel thi sleuthe . if thiself liketh.
For he yaf thee a yeres-gyve, . to yeme wel thiselve,
And that is wit and free-wil, . to every wight a porcion,
To fleynge foweles, . to fisshes and to beastes:
Ac man hath moost thereof, . and moost is to blame,
But if he werch wel therwith, . as Do-wel hym techeth.'
'I have no kynde knowyng,' quod I, . 'to conceyven alle your wordes:
Ac if I may lyve and loke, . I shall go lerne bettre.'
'I bikenne thee Christ,' quod he, . 'that on cros deyde!'
And I seide 'the same . save you fro myschaunce,
And gyve you grace on this grounde . goode men to worthe!'
And thus I wente wide wher . walkyng myn one,
By a wilderness, . and by a wodes side:
Blisse of the briddes. . Broughte me a-slepe,
And under a lynde upon a launde . lened I a stounde,
To lythe the layes . the lovely foweles made,
Murthe of hire mowthes . made me ther to slepe;
The merveillouseste metels . mette me thanne
That ever dremed wight . in worlde, as I wene.
A muche man, as me thoughte . and like to myselve,
Cam and called me . by my kynde name.
'What artow,' quod I tho, . 'that thow my name knowest.'
'That woost wel,' quod he, . 'and no wight bettre.'
'Woot I what thou art?' . 'Thought,' seide he thanne;
'I have sued thee this seven yeer, . seye thou me no rather.'
'Artow Thought,' quod I thoo, . 'thow koudest me wisse,
Where that Do-wel dwelleth, . and do me that to knowe.'
'Do-wel and Do-bet, . and Do-best the thridde,' quod he,
'Arn thre fair vertues, . and ben noght fer to fynde.
Who so is trewe of his tunge, . and of his two handes,
And thorugh his labour or thorugh his land, . his liflode wynneth,
And is trusty of his tailende, . taketh but his owene,
And is noght dronklewe ne dedeynous, . Do-wel hym folweth.
Do-bet dooth ryght thus; . ac he dooth much more;
He is as lowe as a lomb, . and lovelich of speche,
And helpeth alle men . after that hem nedeth.
The bagges an
Rate this poem:(0.00 / 0 votes)
56 Views

William Langland

William Langland is the conjectured author of the 14th-century English dream-vision Piers Plowman. more…

All William Langland poems | William Langland Books

FAVORITE (0 fans)

Translation

Find a translation for this poem in other languages:

Select another language:

  • - Select -
  • Chinese - Simplified 简体中文 (Chinese - Simplified)
  • Chinese - Traditional 繁體中文 (Chinese - Traditional)
  • Spanish Español (Spanish)
  • Esperanto Esperanto (Esperanto)
  • Japanese 日本語 (Japanese)
  • Portuguese Português (Portuguese)
  • German Deutsch (German)
  • Arabic العربية (Arabic)
  • French Français (French)
  • Russian Русский (Russian)
  • Kannada ಕನ್ನಡ (Kannada)
  • Korean 한국어 (Korean)
  • Hebrew עברית (Hebrew)
  • Ukrainian Український (Ukrainian)
  • Urdu اردو (Urdu)
  • Hungarian Magyar (Hungarian)
  • Hindi मानक हिन्दी (Hindi)
  • Indonesian Indonesia (Indonesian)
  • Italian Italiano (Italian)
  • Tamil தமிழ் (Tamil)
  • Turkish Türkçe (Turkish)
  • Telugu తెలుగు (Telugu)
  • Thai ภาษาไทย (Thai)
  • Vietnamese Tiếng Việt (Vietnamese)
  • Czech Čeština (Czech)
  • Polish Polski (Polish)
  • Indonesian Bahasa Indonesia (Indonesian)
  • Romanian Românește (Romanian)
  • Dutch Nederlands (Dutch)
  • Greek Ελληνικά (Greek)
  • Latin Latinum (Latin)
  • Swedish Svenska (Swedish)
  • Danish Dansk (Danish)
  • Finnish Suomi (Finnish)
  • Persian فارسی (Persian)
  • Yiddish ייִדיש (Yiddish)
  • Armenian հայերեն (Armenian)
  • Norwegian Norsk (Norwegian)
  • English English (English)

Discuss this William Langland poem with the community:

Citation

Use the citation below to add this poem to your bibliography:

Style:MLAChicagoAPA

"Pilgrimage In Search Of Do-Well" Poetry.net. STANDS4 LLC, 2019. Web. 21 Nov. 2019. <https://www.poetry.net/poem/40827/pilgrimage-in-search-of-do-well>.

We need you!

Help us build the largest poetry community and poems collection on the web!

Our favorite collection of

Famous Poets

»

Thanks for your vote! We truly appreciate your support.