Dakilang Kumadrona

Dakilang komadrona,
Hindi madali ang tinatahak
Mayroong mga oras,
ninais na sumuko,
ngunit ang puso at isipan
ay nagpupumigil.

Ninais kong higit na matuto,
Ninais kong maibahagi
ang bawat nalalaman,
Ninais kong ipabatid sa bawat tao
ang kahalagahan ng pangangalaga,
sa bawat manganganak
at bagong silang.

Sa bawat pasyenteng
dinadapuan ng mahiwagang kamay,
Patuloy huhugot ng lakas
para sa sinumpaang propesyon.
Yuyuko, upang manalangin
maibahagi ang bawat kaalaman.
Itutuloy ang pagbangon,
Upang kaligayahan ay makamit
at magsilbing ilaw
sa susunod na henerasyon.