Handle with care

*Handle with care( கைம் பெண்ணின் காதல்*......)
முதல் பார்வையில் காதல் மலருமாம்..
காகிதத்தில் மட்டுமே படித்திருந்தேன் ...
என் கண்களால் உன்னைக் காணும் வரை..
பாழாய்ப் போன மனது பாடாய்ப் படுத்துகிறது...
பத்தினியா நீ, என்று ஒருபுறமும்,
பாவமடி நீ என்று மறுபுறமும், பிள்ளையையும் கிள்ளி விட்டு தொட்டிலையும் ஆட்டுகிறது...
உன்னை என்னிடம் எது சேர்த்தது...?
புன்னகைத்த உன் முகமா.?பூப் போன்ற உன் பேச்சா..?
பெண்ணை மதிக்கும் உன் குணமா.?இல்லை பிள்ளை போன்ற உன் மணமா..? எதுவோ தெரியவில்லை .,ஏனோ புரியவில்லை.,உடும்பு போல ஒட்டிக்கொண்டது என் இதயம் உன்னிடத்தில்...
மதிப்பறியா  மனிதர்களிடம் வாழ்தலை விட .,
மதிக்கத் தெரிந்த உன்னிடம் மறைந்து வாழத் துடிக்கிறது என் இதயம்...
 *பின் குறிப்பு*
பத்திரமாக வைத்துக்கொள்.,ஏற்கனவே பல கீறல்களும் .,குத்தல்களும் பெற்று கண்ணீரால் கழுவப்பட்ட இதயம்...
உன்னிடம் தருகிறேன்..
கண் போல பார்த்துக் கொள்வாயா .. அன்பே...?
( இரா.லக்ஷ்மி....)