Prem

                   ----প্রেম----
মুক্সিহান দিয়া                 গেলেগা তি কিয়া
               মোর‌ও দাম নাতলে,
আহির পলকে                 আত'র ঝলকে
               হৃদিগো চরকরলে।
পীচুমগি ঘন                    কংলা শ্যাম বর্ণ
               অপরূপ মায়াহান,
ডিল ডিলা গালে              মুক্সির মিঙালে
               দেখলেই বিবুলার।
আকতা চেইলে                তোরে যে দেখলে
               মনহান নাসেচের,
রাঙিলা অটগি'                মাতৌ সুনিবিড়
               প্রেমর আহ্বান দের।
জুরাগোর মাঝে                 ফুলগোর সাজে
               অপরূপ দৃশ্য কিরৌ,
ভ্রমরাই আয়া                   জুরাগৎ কায়া
               নাসিয়া অর কি হারৌ।
আটানি থমকে                 রমকে জমকে
               অদ্ভদ শোভা'ন তোর,
খানি পরে পরে                আহে' স্মৃতি তোরে
               মনহান হারৌ অর।
কিসাদে করিয়া                 গেলেগা বাধিয়া
                মিকুপে প্রেম ধরিলো,
করিয়া বাহানা                   দূরেইৎ যানা
                প্রেমর যাদুগরিগো।
এসাদে অইতে                   আরতে ক‌ইতে
                লালয়া গেলগা দিন,
যৌবনর স্মৃতি                    নিংশিং অয়া কতি
                মনহানৌ দিয়া হিন।
তোরে মি বাসেয়া                পথগোদে চেয়া
                 আর দেহা নাতলে তি,
এসাদেই অয়া                     খাল্করৌরি বয়া
                 পার নাপে'লু আর মি।
                 
                             ------ জন্টু সিংহ
                                         ১০/১০/২০১৯ ইং