SUNO DRAUPADI

Suno Draupadi Shastra uthalo, Ab na mohan aayenge.
Na Geeta ka updesh hoga, Na vo cheer badhayenge.

Ghar-Ghar mein duryodhan baitha, Dhritrashtra ban sab baithe hai.
Maan bachaati khadi draupadi, haath baandhkar paandav baithe hai.

Dushassan ke aate hi sab do pal hi chillayenge,
Suno Draupadi shastra uthalo, ab na mohan aayenge.
Na Geeta ka updesh hoga, na vo cheer badhayenge.

Maryada maryada kehke vidvaan sabhi yaha bante hai,
Purush raam na ban sake fir bhi naari ko seeta banne ko kehte hai.

Dharmveer bhi dhyut me haarkar kuch bhi na ab karpayenge,
Suno Draupadi shastra uthalo, ab na mohan aayenge.
Na Geeta ka updesh hoga, na vo cheer badhayenge.

Shakuni jaise bohot hai maama iss paapon ki duniya me,
Apna apna kehkar hi chhal karte hai apno me.
Firse apmaan hoga, fir jangha pe tumhe baithayenge,
Swayam tod do uss jangha ko kabhi na vo uth paayenge.

Suno Draupadi shastra uthalo, ab na mohan aayenge.
Na Geeta ka updesh hoga, na vo cheer badhayenge.

Ab na mohan aayenge, ab na mohan aayenge....
Suno Draupadi shastra uthalo, ab na mohan aayenge.
Na Geeta ka updesh hoga, na vo cheer badhayenge.
Na vo cheer badhayenge......